వేములపల్లి ప్రజాలహరి.. సిపిఎం పార్టీ నిర్ణయాల మేరకే పని చేస్తామని పదవులపై ఏనాడు ఆశ లేదని వేములపల్లి మండల సిపిఎం నాయకులు రెమిడాల పరశురాములు పేర్కొన్నారు . కష్టజీవి కమ్యూనిస్టు అనే నానుడి తమ సిద్ధాంతమని సిపిఎం పార్టీకి చెందిన వేములపల్లి మండల కార్యవర్గ సభ్యుడు రెమిడాల పరశురాములు అన్నారు. పేద ప్రజల అభ్యున్నత కోసం, పేద ప్రజల ఆశయాల కోసం అనేక ఉద్యమాలు చేశామని పలుమార్లు జైలు కూడా వెళ్లామని పదవుల సమయంలో ఒక్కోసారి ఆశిస్తామని అందులో ఆ పదవి లభించకపోయినా ఆందోళన చెందేది లేదని నిత్యము పార్టీ కోసమే పని చేస్తామని ఆయన పేర్కొన్నారు. వర్గ పోరుఅనేది పార్టీలో లేదని అందరం పార్టీ కోసం పని చేస్తామని పార్టీ నిర్ణయించిన మేరకే పదవులలో కొనసాగుతామని పదవులు కోసం ఏనాడు పార్టీలో వర్గపరమైన వాతావరణం ఉండదని చెప్పారు. పార్టీ నిర్ణయాలే మాకు కీలకమని పార్టీ ఏ పని చేయమంటే ఆ పని చేస్తామని ఇందులో పదవుల పందేరం ఉండదని చెప్పారు. కమ్యూనిస్టు పార్టీ సిద్ధాంతాలు ,లక్ష్యాలను గౌరవించుకుంటూ పార్టీలో ముందుకు కొనసాగుతామని చెప్పారు.