ప్రజా పాలన దరఖాస్తులపై ముగిసిన సమీక్షా సమావేశం ఆరు గ్యారంటీలు అమలుకు మంత్రులతో సబ్ కమిటీ ఏర్పాటు

ప్రజాలహరి హైదరాబాద్…..

ప్రజాపాలనపై సీఎం రేవంత్‌ రెడ్డి మంత్రులు, ఉన్నతాధికారులతో జరిపిన సమావేశం ముగిసింది. ఐదు పథకాల అమలు కోసం కేబినెట్‌ సబ్‌ కమిటీ ఏర్పాటు చేశామని మంత్రి పొంగులేటి శ్రీనివాస రెడ్డి తెలిపారు. దీనికి *ఛైర్మన్‌గా ఉప ముఖ్యమంత్రి భట్టి విక్రమార్కను, సభ్యులుగా మంత్రులు శ్రీధర్‌బాబు, పొంగులేటి శ్రీనివాస్ రెడ్డి..* ని నియమించామని తెలిపారు. నిజమైన లబ్ధిదారులకు అభయహస్తం పథకాలు అందిస్తామని హామీ ఇచ్చారు. ప్రతి గ్రామం, తండా నుంచి ప్రజాపాలన దరఖాస్తులు స్వీకరించారు. ప్రజాపాలన కార్యక్రమాన్ని అధికారులు విజయవంతంగా పూర్తి చేశారు. *అభయహస్తం హామీలకు సంబంధించి 1.05 కోట్ల దరఖాస్తులు వచ్చాయి.* *ఇతర అంశాలకు సంబంధించి మరో 20 లక్షల దరఖాస్తులు వచ్చాయి.* అతి తక్కువ సమయంలో విజయవంతంగా *1.25 కోట్ల దరఖాస్తులు స్వీకరించాం.* 40 రోజుల్లో హామీలు ఎలా నెరవేరుస్తారని విమర్శిస్తున్నారు. *ఏనాడు 40 రోజుల్లో హామీలు నెరవేరుస్తామని చెప్పలేదు.* *వంద రోజుల్లో ఆరు గ్యారంటీలు అమలు చేస్తామని చెప్పాం.* యుద్ధప్రాతిపదికన దరఖాస్తుల డేటా ఎంట్రీ జరుగుతోంది. ఈనెల 30 వరకు దరఖాస్తుల డేటా ఎంట్రీ జరుగుతుందని *మంత్రి పొంగులేటి పొంగులేటి శ్రీనివాస రెడ్డి* అన్నారు.